नवी दिल्ली | ५ एप्रिल २०२६

इंडियन प्रीमियर लीग (IPL) २०२६ मधील ४ एप्रिल रोजी झालेल्या सामन्यात दिल्ली कॅपिटल्सने मुंबई इंडियन्सवर ६ विकेट्स राखून शानदार विजय मिळवला. नवी दिल्लीतील अरुण जेटली स्टेडियमवर झालेल्या या सामन्यात दिल्लीने १६३ धावांचे लक्ष्य १८.१ षटकात पूर्ण करत चाहत्यांना रोमांचक सामना पाहायला मिळाला.

मुंबईची संथ सुरुवात, मधल्या फळीत सावरण्याचा प्रयत्न

टॉस जिंकून दिल्लीने प्रथम गोलंदाजीचा निर्णय घेतला. मुंबई इंडियन्सने २० षटकांत ६ बाद १६२ धावा केल्या. सुरुवातीला संघाला धक्के बसले, मात्र कार्यवाहू कर्णधार सूर्यकुमार यादव (५१ धावा) आणि रोहित शर्मा (३५ धावा) यांनी डाव सावरण्याचा प्रयत्न केला.

नमन धीरने २८ धावांचे योगदान दिले, पण दिल्लीच्या गोलंदाजांनी नियंत्रण राखले. मुकेश कुमारने सुरुवातीलाच टिळक वर्मा आणि रायन रिकल्टन यांना बाद करत मुंबईला अडचणीत टाकले. अक्षर पटेल आणि टी. नटराजन यांनीही प्रत्येकी एक विकेट घेत दबाव कायम ठेवला.

 रिझवीचा शो; दिल्लीचा दमदार पाठलाग

दिल्लीची सुरुवातही खराब झाली. लोकेश राहुल (१) आणि नितीश राणा (०) लवकर बाद झाले. मात्र, समीर रिझवीने जबाबदारी घेत आक्रमक खेळी केली.

रिझवीने ५१ चेंडूत ९० धावांची शानदार खेळी करत ७ चौकार आणि ७ षटकार लगावले. डेविड मिलरने २१ धावांचे योगदान देत त्याला साथ दिली.

या जोडीच्या खेळीमुळे दिल्लीने १८.१ षटकांत ४ बाद १६४ धावा करत सहज विजय मिळवला.

 सामनावीर – समीर रिझवी

समीर रिझवीला त्यांच्या जबरदस्त फलंदाजीसाठी ‘Player of the Match’ पुरस्कार देण्यात आला. कठीण परिस्थितीत संघाला विजय मिळवून देत त्यांनी आपली छाप सोडली.

 स्कोअरकार्ड

मुंबई इंडियन्स: १६२/६ (२० षटके)

दिल्ली कॅपिटल्स: १६४/४ (१८.१ षटके)

विजेता: दिल्ली कॅपिटल्स (६ विकेट्सने)

सामनावीर: समीर रिझवी (९० धावा, ५१ चेंडू)

या विजयामुळे दिल्ली कॅपिटल्सचा आत्मविश्वास वाढला आहे, तर मुंबई इंडियन्सला पुढील सामन्यांसाठी आपली रणनीती पुन्हा आखावी लागणार आहे.

नविन बातम्यांसाठी 👉 http://Ahilyanagar24live.com