अहिल्यानगर | प्रतिनिधी

Cultural अहिल्यानगर महानगरपालिकेच्या वतीने आयोजित गणेशोत्सव देखावे स्पर्धा 2025 मध्ये बागडपट्टीचा राजा प्रतिष्ठान ट्रस्टने जिवंत देखावा,सोशल मीडिया व आधुनिक तंत्रज्ञान या श्रेणीतील प्रथम क्रमांकाचे पारितोषिक पटकाविले. मंडळाच्या वतीने महाअवतार नृसिंहस्वामी हा जिवंत देखाव्याचे सादरीकरण करण्यात आले होते.

महापालिकेच्या सभागृहात झालेल्या समारंभात मनपा सहा. आयुक्त श्रीमती सपना वसावा यांच्या हस्ते ट्रस्टचे संस्थापक-अध्यक्ष दिलदारसिंग बीर, उपाध्यक्ष किरण डफळ, कार्याध्यक्ष अजय दराडे, सचिव कुणाल गोसके आणि खजिनदार वरुण मिस्कीन यांना सन्मानचिन्ह व पारितोषिक प्रदान करण्यात आले.

यावेळी मंडळाचे गणेश म्याना, राजु गड्डम, महेश सब्बन, जिग्नेश जग्गड, राजु पठारे, दत्ताभाऊ बेत्ती, संजय नाना कांबळे, सुमित गोसके, मयुर चिलवर, प्रथमेश संभार, रोहित म्याना, सुरज गोंधळी, संकेत जक्कल, सर्वेश सब्बन, प्रथम सिंग आदींसह शहरातील गणेशभक्त आणि विविध मंडळांचे पदाधिकारी मोठ्या संख्येने उपस्थित होते.

दिलदारसिंग बीर म्हणाले की, दरवर्षी ट्रस्ट धार्मिक, सामाजिक आणि जनजागृतीवर भव्य देखावे सादर करत असतो. यावर्षी महाअवतार नृसिंहस्वामी या जिवंत देखाव्याला गणेश भक्तांचा उदंड प्रतिसाद लाभला. महापालिकेने या यशाची दखल घेत प्रथम क्रमांकाचे पारितोषिक दिल्याचा आनंद सर्वांना आहे. ट्रस्ट वर्षभर धार्मिक व सामाजिक उपक्रम सातत्याने सुरू ठेवतो आणि तरुण वर्गाचे संघटन करण्याचे काम करत आहे.

या स्पर्धेचे परीक्षण मेहेर लहारे, प्र. मुख्यलेखाधिकारी श्री. गणेश लयचेट्टी, प्रसिध्दी व संस्कृतिक विभाग प्रमुख शशिकांत नजन, क्रीडा विभाग प्रमुख व्हिन्सेंट फिलिप्स, परीक्षक. श्रेणिक शिंगवी, संदीप जाधव, ठाकुरदास परदेशी, तेजस अतितकर यांनी केले. ऑरा डान्स ॲकॅडमीचे सागर जाधव, प्रणव लोखंडे, प्रेम उदमले, पृथ्वी धुमाळ यांचे विशेष सहकार्य लाभले.

ट्रस्टने या यशाबद्दल सर्व देणगीदार, भाविक भक्त, मार्गदर्शक, सभासद व मित्रपरिवाराचे आभार मानले असून, पुढील वर्षी आणखी भव्य व तंत्रज्ञानाधारित देखावा सादर करण्याचा निर्धार व्यक्त केला आहे